Jarinje, serbët demolojnë pikën kufitare

Një grup serbësh prej 50 personave kanë demoluar mbrëmë pas mesnate një pjesë të shtëpizave si dhe mjete tjera përcjellëse në pikën kufitare Jarinje, bëjnë të ditura burimet e Kosovapress-it. Sipas këtyre burimeve ka reaguar menjëherë xhandarmeria serbe, ndërkohë që atje në orët e hershme të mëngjesit janë parë edhe krerët ilegal të komunave veriore. Ata po mbajnë të bllokuar pikën kufitare duke mos lejuar qarkullimin e automjeteve në këtë pikë, ndërsa serbët në veri të Mitrovicës kanë aktivizuar alarmin që nga ora 7.45 për të ftuar qytetarët, që në numër sa më të madh të shkojnë në Jarinje.  Me këto protesta serbët dëshirojnë të përcjellim mesazhin se ata janë kundër vendosjes së kufirit mes dy vendeve në kuadër marrëveshjes për menaxhimin e integruar të kufirit për të cilën sot në Bruksel bisedojnë kryeministrave të Kosovës dhe Serbisë Hashim  Thaçi dhe Ivica Daçiq.