Hillary Clinton shtrohet në spital
By Unknown - 12/31/12
Gjatë disa kontrolleve, mjekët kanë zbuluar një mpiksje të gjakut për shkak të një dëmtimi cerebral, që ish-zonja e parë mori pasi u rrëzua më 15 dhjetor.
Clinton, sipas shpjegimeve të zëdhënësit të saj Philippe Reines, i është nënshtruar menjëherë një terapie speciale dhe do të mbahet nën mbikëqyrje për 48 orët e ardhshme.
“Mjekët po monitorojnë situatën dhe do të vendosin nëse do të jetë e nevojshme një ndërhyrje e mëtejshme”, ka sqaruar Reines.
Që prej fillimit të dhjetorit sekretarja amerikane e Shtetit nuk shfaqet në publik, duke shtuar misteret mbi gjendjen e saj shëndetësore.
Problemet për Clinton, 65 vjeç, filluan më 10 dhjetor, kur një shqetësim i shkaktuar nga ushqimi e detyroi të anulonte udhëtimin për në Marok, në mbledhjen e grupit Vendet Mike të Sirisë, të mbajtur në Marakesh.
Më pas, më 15 dhjetor shefja e diplomacisë amerikane u rrëzua teksa ndodhej në shtëpinë e saj për shkak të një të fikëti që erdhi nga dehidratimi, duke pësuar një dëmtim cerebral.
Follow Blogun Tone Ne Twitter, Bëhuni Fans Në Facebook. Stay updated via RSS
0 comments for "Hillary Clinton shtrohet në spital"