Ministrat e BDI-së dorëhiqen para zgjedhjeve Lokale

Ministrat nga radhët e BDI-së që janë kandidat për kryetarë komune, do të japin dorëheqje nga postet e tyre,  bëjnë të ditur burime partiake.

Deputeti i BDI-së, Arben Labenishti dje ndërmori një hap e tillë  i cili është kandidati i BDI-së për komunën e Strugës.

Ministrat që pritet të japin dorëheqje janë: Teuta Arifi – Zëvendëskryeministre për evrointegrime, Teuta Arifi, kandidate e BDI-së për Tetovën, ministri i Pushtetit Lokal, Nevzat Bejta, për komunën e Gostivarit, etj. Ndryshime tëtjera priten edhe në eshalonin e zëvendësministrave, për shkak se zëvendësministri aktual i Financave, Nedim Ramizi, do të zë vendin e deputetit, pas dorëheqjes së deputetit Labënishta.

BDI tashmë ka nisur bisedimet për zëvendësimin e ministrave në largim, ku në postin e zëvendëskryeministrit për evrointegrime përmenden Fatmir Besimi dhe Ermira Mehmeti, ndërsa në postin e ministrit të pushtetit lokal, Hazbi Lika apo edhe ndonjë kuadër partiak nga dega e BDI-së së Gostivarit. 
Nga e kryeministrt Gruevski, bëjnë të ditur se nuk priten ndryshime qeveritare, para zgjedhjeve dhe se ato sipas tyre do të ndodhin vetëm pas zgjedhjeve.