Një shkupjan tentoi të kryejë sulm seksual mbi dy fëmijë

Sipas njohurive të dokumentuara nga hetimi, ai më 2 nëntor vitin e kaluar rreth orës 18:15 në rrugën "Maksim Gorki" në afërsi të sheshit Maqedoni, ka takuar një fëmijë 11-vjeçar, të cilin ka tentuar ta dërgojë në një ndërtesë në katin e dytë. Në një moment ka tentuar ta tërheq dhe ta çrek nëpër trup, pas çka fëmija ka arritur të lirohet dhe ka ikur në një agjenci turistike, ku ka kërkuar ndihmë. I denoncuari ka hyrë në agjenci dhe të punësuarit i ka thënë se asgjë të keqe nuk ka bërë, por vetëm ka kërkuar që fëmija t'i tregojë ndonjë ndërtesë në afërsi, pas çka ka shkuar. Nga ana e babait të fëmijë, ngjarja është denoncuar në polici. Fëmija ka kryer njohje përmes fotografive dhe e ka njohur personin I.G.

Në rastin e dytë më datën 21 këtë muaj rreth orës 12:30 në rrugën "Nikolla Parapunov", personi i denoncuar ka takuar një vajzë 10-vjeçare, të cilën pasi e ka pyetur nëse e din se ku është ndërtesa numër 9 e ka kapur për dorë, duke dëshiruar ta dërgojë në hyrjen e ndërtesës. Vajza e ka lutur ta lëshojë, pas çka I.G. i ka thënë se është e përlyer në pantollona dhe ka filluar ta prekë, pas çka ia ka zhveshur pantollonat. Në një moment vajza u largua dhe ka ikur në shtëpi, ku është fshehur në dhomën e saj, e pastaj për ngjarjen i ka thënë nënës së saj. Ngjarja është denoncuar nga babi i fëmijë dhe është kryer njohje nga fotodokumentacioni, me ç'rast fëmija e ka njohur I.G.

Në vijim janë masa për ndriçimin edhe të veprave tjera penale, për të cilat ekziston dyshim se janë kryer nga i denoncuari.

Nëse qytetarët janë dëmtuar me kësi lloj vepra penale, rastet mund t'i paraqesin në stacionin më të afërt policor dhe bëjnë ekspertizë në fotodokumentacionin.

Personi i dyshimtë është i njohur për policinë për vepra të kryera penale "sulm seksual mbi minoren, i cili nuk ka mbushur 14 vjet", "dhunim në tentim" dhe "rrezikim me mjet të rrezikshëm gjatë rrahjes ose zënkës".