Kryetari i PRSD-së Tito Petkovski akuzoi sot kryeministrin Nikolla Gruevski se që nga koha e ardhjes në qeveri, lufton politikanët maqedonas, ndërsa para Ali Ahmetit gërhit si mace. Sipas tij, e vetmja gjë e rëndësishme për kryeministrin janë paratë dhe pushteti, dhe për të arritur këtë qëllim, ai shkel edhe interesat shtetërore.“Shikoni se me çfarë energjie ai sulmon dhe diskrediton politikanët e bllokut politik maqedonas. Ndërsa kur bëhet fjalë për interesat e tij personale dhe partiake para Ali Ahmetit ai gërhit si mace e vogël. Përfundimisht bëhet e qartë se atij asgjë nuk i intereson përveç parave dhe pushtetit”, tha Tito Petkovski, kryetar i PRSD-së. Pas dështimit të takimit të djeshëm mes kryeministrit Gruevski dhe liderit të opozitës Cërvenkovski, LSDM ka vazhduar me rezistencën e saj nëpër rrugët e kryeqytetit. Edhe sot simpatizuesit e partisë më të madhe opozitare kanë bllokuar për gjysmë ore tre kryqëzime kyçe në Shkup. Petkovski theksoi se rruga është instrumenti i fundit i opozitës për të luftuar diktaturën e instaluar nga pushteti i tanishëm. Si opozitë ne jemi të hedhur në rrugë, rruga është terreni ynë politik… Në kushte të diktaturës ju nuk keni mekanizma dhe instrumente të tjera për luftë politike, u mbesin ato jashtë institucionale. Për shkak se kjo qeveri, e para që bëri ishte të shkatërrojë institucionet, të heshtë Kuvendin, aty ku ne duhet të bisedojmë”, tha Tito Petkovski, kryetar i PRSD-së. Petkovski nuk deshi të komentonte kthimin e RDK-së në Kuvend, por theksoi se parlamenti nuk mund të funksionojë në mënyrë demokratike pa 42 deputetët e opozitës maqedonase.
Follow Blogun Tone Ne Twitter, Bëhuni Fans Në Facebook. Stay updated via RSS
Europoli ka zbuluar se 380 ndeshje futbolilstike në mbarë globin janë në dyshim për manipulim, pas një hetimi të gjatë për atë që quhet rrje...
Drejtori i përgjithshëm i “Facebook”, Mark Zuckerberg, dhuroi pothuajse 500 milionë dollarë për bamirësi, duke u shndërruar në rekordmenin e...
0 comments for " LSDM vazhdon me bllokimin e rrugëve"