Hekurudhë me Shqipërinë, thirrje për konsulentë

Hapet tenderi për përzgjedhjen e konsulentit për ndërtimin e aksit të ri hekurudhor nga Kërçova deri në kufirin me Shqipërinë. Projekti është pjesë e Korridorit 8, dhe gjatësia e përgjithshme e hekurudhës është rreth 63 kilometra. Fondet për ndërtimin aksit hekurudhor janë pjesë e komponentit të tretë të fondeve evropiane IPA për periudhën e viteve 2012-2013. Po ashtu, nga ministria e transportit theksuan se paralelisht do të punohet edhe për segmentet e tjera, si ai Kumanovë-Beljakovc, që do të përmbyllë edhe korridorin 8.

"Vlera e përafërt, në bazë të studimit të fizibilitetit është rreth 550 milionë euro, por çmimin përfundimtar do të dimë kur do ta kemi të bërë projektet kryesore. Me ndërtimin e Korridorit hekurudhor në tërë territorin e Republikës së Maqedonisë do të m mundësohet qasja hekurudhore në portet e Durrësit dhe të Vlorës", tha Mile Janakieski, ministër i Transportit dhe Lidhjeve