Djokoviç fiton “Australian Open”
By Unknown - 1/28/13
.jpg)
Në finalen e zhvilluar të Melburn, numri një i botës mposhti rivalin Andi Murray, në një ndeshje të dyluftuar vetëm në dy setet e saj të parë.
Pasi humbi setin e parë me “tie-break” dhe fitoi të dytin përsëri me “tie-break”, Djokoviç bëri diferencën në dy setet e tjerë, duke fituar 6-3, 6-2.
Në ndihmë të suksesit të serbit erdhi dhe përgatitja e dobët psikologjike e britanikut, që u duk gjithmonë e më i shqetësuar nga brohoritjet e publikut dhe i bëri disa herë thirrje gjyqtarit që të impononte qetësinë në fushë.
Djokoviç ka fituar në karrierën e tij tenistike gjashtë “Grand Slam”, katër herë “Australian Open”, nga një herë në “US Open” dhe “Wimbledon”, ndërsa në “Roland Garros” ka mbërritur deri në finale.
Nga sukseset e tij të deritanishme, i njohuri me shkurtimin “Nole” në shtypin botëror, ka grumbulluar një total prej 45 milionë dollarësh në formë shpërblimesh për rezultatin.
Follow Blogun Tone Ne Twitter, Bëhuni Fans Në Facebook. Stay updated via RSS
0 comments for "Djokoviç fiton “Australian Open”"